ÇAY ÜRƏK TUTMALARINA DÖZMƏYƏ KÖMƏK EDİR
Çox çay içmək ürək tutmaları zamanı ölüm ehtimalını xeyli aşağı salır. Bir qrup amerikalı mütəxəssisin ürək xəstəlikləri sahəsində apardığı tədqiqatların nəticələri belə qənaətə gəlməyə əsas verir.
Təxminən 2 min ürək tutması hallarının təhlili zamanı müəyyən edilmişdir ki, çox, yəni həftədə təxminən 19 fincan çay içənlər arasında ölüm ehtimalı bu içkisiz keçinənlərdən 44 faiz azdır. Hətta həftədə 14 fincan çay içənlərdə ürək tutmalarından ölüm ehtimalı çay içməyənlərdən 28 faiz aşağı olur.
İTAR-TASS-ın verdiyi xəbərə görə, əvvəllər digər tədqiqatlar zamanı da belə nəticələr alınmışdır. Lakin yalnız sonuncu araşdırmalar zamanı mütəxəssislər bunu izah etməyə cəhd göstərmişlər. Onların fikrincə, ürək tutmaları zamanı ilk növbədə bitki qidalarının bəzi növlərinin tərkibində olan flavinoidlər - antioksidantlar xilasedici rol oynayır. Amerikalılar üçün isə flavinoidlərin əsas mənbəyi çaydır.
Bölmənin digər xəbərləri
