Çilidə təyyarə qəzası baş verib, 4 nəfər həlak olub
Bakı, 24 aprel, AZƏRTAC
Çilinin Moça adasında kiçik təyyarənin okeana düşməsi nəticəsində 4 nəfər həlak olub.
AZƏRTAC TASS informasiya agentliyinə istinadla xəbər verir ki, bu barədə ölkənin mülki aviasiya idarəsi məlumat yayıb. Məlumata görə, dörd sərnişin və bir pilotun olduğu təyyarə əlverişli hava şəraitində havaya qalxdıqdan sonra adadan 150 metr aralıda suya düşüb.
Qeyd olunub ki, sağ qalan sərnişin üzərək sahilə gəlib və onu sahildəki insanlar görüblər. Həmin şəxsə ilkin tibbi yardım göstərildikdən sonra o, xəstəxanaya aparılıb.
Hadisənin səbəbləri hələ müəyyən edilməyib.
Bölmənin digər xəbərləri
