ÇİN AĞIRLIQQALDIRANI QIZIL OLİMPİYA MEDALINA GÖRƏ 1,5 MİLYON DOLLAR ALACAQDIR
AZƏRTAC xəbər verir ki, 2008-ci ilin Olimpiya oyunlarının birinci çinli çempionu olan qız - 48 kiloqram çəki dərəcəsində çıxış edən ağır atlet Çen Sesya qızıl medala görə böyük məbləğdə, 10 milyon yuan (1 450 000 dollar) məbləğində pul mükafatı alacaqdır.
Qızıl medal qazanmış Çin atletləri üçün nəzərdə tutulan mükafatın məbləği çox böyükdür. Hər qızıl medalın sahibi 1 000 000 dollara sahib olacaqdır.
Çinin “Quş yuvası” stadionunda Olimpiya məşəlini yandıran keçmiş gimnast Li Ninin də var-dövləti xeyli artmışdır. Onun şirkətinin səhmlərinin qiyməti 6 faiz qalxmışdır və artmaqda davam edir.
44 yaşlı əfsanəvi atlet, idman gimnastikası üzrə üçqat Olimpiya çempionu artıq çoxdan idmandan ayrılmışdır və bizneslə məşğul olur. Onun 1990-cı ildə yaratdığı “Li Ning” şirkəti Çinin idman geyimləri və ayaqqabıları istehsal edən ən iri şirkətidir.
Li Nin XX əsrin ən görkəmli atletlərindən sayılır. O, həm də xeyriyyəçilik fəaliyyəti ilə məşğul olur.
Bölmənin digər xəbərləri
