ÇİN NÜVƏ SİLAHINI BEYNƏLXALQ “QARA BAZAR”DA YAYMIR
AZƏRTAC-ın Pekindən aldığı xəbərə görə, bunu ÇXR XİN-in nümayəndəsi Lyu Szyançao bu problemin Beynəlxalq Atom Enerjisi Agentliyində müzakirəsi ilə əlaqədar keçirilən brifinqdə jurnalistlərin suallarına cavab verərkən bəyan etmişdir. O demişdir ki, Çin kütləvi qırğın silahının, o cümlədən nüvə silahının yayılmasının və onun verilməsi vasitələrinin qəti əleyhdarıdır və bu sahədə beynəlxalq səyləri dəstəkləyir. Çin nüvə silahının “qara bazar” vasitəsilə yayılmasının qarşısını almaqda marağı olan digər ölkələrlə məsləhətləşmələr aparmağa hazırdır.
Diplomat vurğulamışdır ki, ÇXR digər ölkələrlə yalnız dinc atom sahəsində, öz texnologiyalarını üçüncü ölkələrə verməmək şərtilə əməkdaşlıq edir. Onun sözlərinə görə, Pekin nüvə silahının və nüvə materiallarının yayılmaması ilə bağlı öhdəliklərini qeyd-şərtsiz yerinə yetirir.
Bölmənin digər xəbərləri
