ÇİN TƏYYARƏSİ KOREYA RESPUBLİKASI ƏRAZİSİNDƏ QƏZAYA UĞRAMIŞDIR
Çin Baş Mülki Aviasiya İdarəsinin səlahiyyətli nümayəndəsi Çin Beynəlxalq Aviasiya Şirkətinə məxsus təyyarənin aprelin 15-də səhər Koreya respublikasının Pusan şəhəri yaxınlığında qəzaya uğraması faktını təsdiq etmişdir. Onun sözlərinə görə, təyyarədə 155 sərnişin olmuşdur, onların 135-i koreyalı, 19-u çinli və biri Özbəkistan vətəndaşıdır.
Adı çəkilən idarənin məlumatına görə, “Boinq 767-200” sərnişin təyyarəsi səhər saat 8.37-də Pekinin “Şoudu” hava limanından havaya qalxmışdı və 2 saatdan sonra Pusan şəhəri hava lımanında yerə enməli idi. Lakin təxminən saat 10.40-da təyyarə dumana bürünmüş Pusan hava limanı yaxınlığında qəzaya uğramışdır. Təyyarədə 155 sərnişindən əlavə, 11 uçuş heyəti üzvü də olmuşdur.
Ölənlərin sayı dəqiqləşdirilir, qəzanın səbəbləri araşdırılır.
Sinxua agentliyinin məlumatına görə, bu, Çin Beynəlxalq Aviasiya Şirkətinin mövcud olduğu illər ərzində ilk təyyarə qəzasıdır.
Bölmənin digər xəbərləri
