ÇİNDƏ OLİMPİYA ÇEMPİONUNU 10 İL ƏVVƏL ATIB GETMİŞ ATANI AXTARIRLAR
AZƏRTAC xəbər verir ki, Çin saytlarında pnevmatik tapançadan atəşaçma üzrə Olimpiya çempionu Qo Ventzyunun atasının axtarışı kampaniyasına başlanmışdır.
Olimpiya çempionunun valideynləri qızları doğulandan dərhal sonra ayrılmışlar. Qo atasının himayəsinə verilmişdir. Atası 14 yaşında onu atıcılıq bölməsinə gətirmişdir.
Günlərin bir günü atası qızının qayğısına qalmaq xahişi ilə onun məşqçisinə məktub yazaraq, şəhəri tərk etmişdir.
Qo Ventszyun dəfələrlə ümidsizliyə qapılmış və idmanı tamamilə atmaq həddinə çatmışdır. Lakin hər dəfə məşqçiləri onu bundan çəkindirmişlər, 2006-cı ildə isə o, milli yığma komandanın tərkibinə daxil edilmişdir.
Olimpiadada qələbəsindən sonra idmançı bu sevincini atası ilə bölüşə bilmədiyi üçün təəssüfləndiyini bildirmişdir. Ona görə də internet saytlarında itkin düşmüş valideynin axtarışına başlanmışdır.
Bölmənin digər xəbərləri
