Ciorcia Meloni İtaliyanın Ukraynaya davamlı dəstəyini bir daha təsdiqləyib
Roma, 16 noyabr, AZƏRTAC
İtaliyanın Baş naziri Ciorcia Meloni ilə Ukrayna Prezidenti Volodimir Zelenski arasında telefon danışığı olub.
AZƏRTAC xəbər verir ki, İtaliya Nazirlər Şurasının məlumatına görə, telefon danışığı İspaniyanın Qranada şəhərində “Avropa Siyasi Birliyi” 3-cü Zirvə Toplantısı çərçivəsində keçirilən görüşün davamı olaraq baş tutub.
Söhbət zamanı C.Meloni ədalətli sülhə nail olunması üçün İtaliya hökumətinin Ukraynaya davamlı və hərtərəfli dəstəyini bir daha təsdiqləyib.
Volodimir Zelenski Baş nazirə və İtaliya hökumətinə Ukrayna qurumlarına və əhalisinə göstərdikləri dəstəyə görə təşəkkürünü bildirib.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
