Coğrafiya İnstitutu aliminin məqaləsi yüksək impakt faktorlu beynəlxalq jurnalda yer alıb
Bakı, 13 may, AZƏRTAC
AMEA akademik Həsən Əliyev adına Coğrafiya İnstitutu Xəzər dənizinin monitorinqi şöbəsinin müdiri, AMEA-nın müxbir üzvü Rauf Qardaşovun həmmüəllif olduğu elmi məqalə 5 illik impakt faktoru olan “Renewable and Sustainable Energy Reviews” jurnalında dərc edilib.
İnstitutdan AZƏRTAC-a bildirilib ki, məqalə “Azərbaycan Respublikasında alternativ və bərpa olunan enerji mənbələrindən istifadə olunması üzrə Dövlət Proqramı”na dəstək olaraq icra edilən və Günəş enerjisindən optimal istifadə sahəsində aparılan tədqiqat işinə və mühüm nəticələrə həsr edilib. Məqalədə mürəkkəb topoqrafiyaya malik dağlıq bölgələrdə Günəş panelinin optimal istiqamətini seçməklə istehsal olunan elektrik enerjisini önəmli dərəcədə (10 faizədək) artırmağın mümkünlüyü qeyd olunur. Tədqiqatın nəticələri dağlıq bölgələrdə yerləşən turizm və istirahət obyektlərində, eləcə də şəxsi evlərdə tətbiq edilə bilər.
Bölmənin digər xəbərləri
