CÜDO YARIŞLARININ SONUNCU GÜNÜ YAPOMİYA VƏ ÇİN İDMANÇILARININ QƏLƏBƏSİ İLƏ BAŞA ÇATMIŞDIR
Pekin Olimpiadasında cüdo yarışları başa çatmışdır. Bu yarışlar Azərbaycan idmançıları üçün də uğurlu olmuş, Elnur Məmmədli (74 kq) qızıl, Mövlud Mirəliyev isə (100 kq) bürünc medal qazanmışlar.
AZƏRTAC xəbər verir ki, cüdo yarışlarının axırıncı günündə ən ağır çəki dərəcələrində 2 dəst medal uğrunda mübarizə gedirdi.
Kişilər arasında 100 kiloqramdan yuxarı çəki dərəcəsində Yaponiya nümayəndəsi Satosi İsii qalib gəlmişdir. Final mərhələsində o, özbək Abdulla Tanqriyevi məğlub etmiş, kubalı Vidal Brayson və fransız Teddi Riner isə bürünc müdalla kifayətlənməli olmuşlar.
Qadınlar arasında çəkisi 78 kiloqramdan yuxarı olan cüdoçuların yarışında çinli Ton Ven finalda yaponiyalı Maku Sukadaya qalib gələrək, ölkəsinə 24-cü qızıl medalı qazandırmışdır. Kubalı İdalis Ortiz və sloveniyalı Lüsiya Polavder üçüncü yeri tutmuşlar.
Bölmənin digər xəbərləri
