DAŞINAN YÜKLƏRİN HƏCMİ ÖTƏN İLDƏKİNDƏN ÇOX OLMUŞDUR
Azərbaycan Dövlət Xəzər Dəniz Gəmiçiliyindən AZƏRTAC-a verilən məlumata görə, yanvar-sentyabr aylarında 10 milyon tona yaxın müxtəlif növ yük daşınmışdır. Yüklərin 7,3 milyon tonu tankerlərlə, 1,8 milyon tonu gəmi-bərələrlə, qalanı quru yük gəmiləri ilə nəql olunmuşdur.
MDB limanları arasında daşınan yüklər yenə də əsas yeri tutmuş, bu, ötən ilin eyni dövründəkindən 126 min ton çox, yəni 7,4 milyon ton təşkil etmişdir. Xəzərdən kənar hövzələrə isə 751 min ton yük vaxtında və təhlükəsiz çatdırılmışdır ki, bu da ötən ildəkindən 77 min tondan çoxdur.
Cari ilin 9 ayında donanmanın xidmətindən 13 min 600 sərnişin istifadə etmişdir.
Bölmənin digər xəbərləri
