DAŞKƏNDDƏ 20 YANVAR FACİƏSİNİN İLDÖNÜMÜ İLƏ ƏLAQƏDAR ANMA MƏRASİMİ KEÇİRİLMİŞDİR
Daşkənd, 19 yanvar (AZƏRTAC). Daşkənddəki Azərbaycan Mədəniyyət Mərkəzləri Assosiasiyası 20 Yanvar faciəsinin ildönümü ilə əlaqədar anma mərasimi keçirmişdir.
Qardaş özbək xalqının nümayəndələrinin də qatıldıqları tədbirdə əvvəlcə şəhidlərimizin xatirəsi bir dəqiqəlik sükutla yad edilmişdir.
Assosiasiyanın sədri Akif Ağatalıbov 20 il əvvəl yanvarın 20-də sovet qoşunlarının Bakıda törətdiyi qanlı qırğın haqqında məlumat vermişdir. Bildirmişdir ki, o gecə sovet ordusunun zirehli texnikası və ən müasir silahlarla təchiz edilmiş hissələri Bakıda günahsız adamlara divan tutmuş, uşaqlar, qocalar, qadınlar qətlə yetirilmişdir.
Daşkənddə tanınmış şair İxtiyar Rza, assosiasiya sədrinin müavini Həmid Hüseynov və başqaları keçmiş SSRİ rəhbərlərini ittiham etmişlər.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
