DAUREN DİYAROV: İNFORMASİYA OBYEKTİV VƏ QƏRƏZSİZ OLMALIDIR
Asiya və Sakit Okean Ölkələri Xəbər Agentlikləri Təşkilatı İcraiyyə Komitəsinin AZƏRTAC-ın ev sahibliyi ilə Bakıda keçirilən iclasında iştirak edən Kazinform agentliyinin (Qazaxıstan) prezidenti Dauren Diyarov müxbirimizə müsahibəsində demişdir ki, obyektiv və qərəzsiz informasiya yaymaq xəbər agentliyinin fəaliyyətinin əsas prinsipidir. Bəşəriyyətin informasiyaya getdikcə daha çox ehtiyacı var, buna görə də hazırda informasiya agentliklərinin başlıca vəzifəsi dünyada baş verən prosesləri olduğu kimi təqdim etməkdir.
D.Diyarov əmindir ki, kütləvi informasiya vasitələrində qərəzli, həqiqətdən uzaq, insanların milli və dini hisslərini təhqir edən məlumatlar düşmənçiliyə və ekstremizmə təhrik edir. O demişdir: “Dünyanın 33 ölkəsindən 39 milli agentliyi birləşdirən təşkilat operativ və düzgün informasiya yayılmasında lider ola bilər və olmalıdır”.
Xatırladaq ki, iclasda Asiya və Sakit Okean regionunu təmsil edən 20-dən çox xəbər agentliyinin rəhbərləri, habelə qonaqlar - onların avropalı həmkarları iştirak etmişdir.
Bölmənin digər xəbərləri
