Demokratların 44 faizi Baydenin prezidentliyə namizəd olmasını istəmir
Bakı, 25 aprel, AZƏRTAC
ABŞ-da rəyi soruşulan demokratların 44 faizinin fikrincə, Cozef Bayden yaşı ilə əlaqədar 2024-cü ildə keçiriləcək prezident seçkilərində iştirak etməməlidir.
AZƏRTAC xəbər verir ki, bu barədə məlumat Reuters agentliyinin “Ipsos” kompaniyası ilə birgə keçirdiyi ictimai rəy sorğusunun nəticələrində yer alıb. Analoji sorğuya cəlb olunan respublikaçıların isə yalnız 34 faizi Ağ evin sabiq rəhbəri Donald Trampın prezident seçkilərində iştirakını istəmədiyini bildirib.
Sorğu aprelin 22-dən 24-dək 1000-dən çox amerikalı arasında keçirilib.
Xatırladaq ki, ABŞ-ın hazırkı Prezidenti Cozef Bayden 2024-cü ildə keçiriləcək seçkilərdə iştirakını bu gün rəsmən elan edib. O, yenidən seçiləcəyi təqdirdə ikinci prezidentlik müddətinə 82 yaşında başlayacaq və Amerika tarixinə ən yaşlı dövlət başçısı kimi düşəcək.
Bölmənin digər xəbərləri
