DİNİ MÖVZUDA BƏDİİ FİLMİN ÇƏKİLMƏSİ ÜÇÜN 2 MİLYON ABŞ DOLLARI MƏBLƏĞİNDƏ VƏSAİT AYRILMIŞDIR
Din işləri qurumunun yayımlar idarəsinin müdiri Əhməd Onay bu məsələyə aydınlıq gətirərək nəzərə çarpdırmışdır ki, İslam dini ilə əlaqədar ABŞ-ın Hollivud studiyalarında “Message” (“Çağrı”), “Ömər Muxtar” kimi maraqlı filmlər çəkilmişdir. Bu filmlərin əsas sponsorluğu Liviya Xalq Cəmahiriyyəsinin lideri Muammər Qəzzafi tərəfindən həyata keçirilmişdir. Ancaq uzun illərdir ki, bədii film çəkilmir. Buna görə, Türkiyənin din işləri qurumu belə bir təşəbbüslə çıxış etmişdir.
Əhməd Onayın sözlərinə görə, hazırda dini mövzuda bədii film üçün təklif olunan ssenarilər nəzərdən keçirilir. Lakin hələlik bəyənilən bir əsər yoxdur. Çünki qarşıya elə hey səhra, saqqallı, əsalı personajlar çıxarılır. Təşkilatçılar isə müasir dövrə uyğun ssenari axtarırlar.
Bölmənin digər xəbərləri
