DMX-nin rəisi: Azərbaycana vətəndaşlıqla bağlı müraciətləri diqqətdə saxlayırıq
Bakı, 30 noyabr, AZƏRTAC
Ölkəmizə vətəndaşlıqla bağlı müraciətlər olur, Azərbaycan da bunları diqqətdə saxlayır.
AZƏRTAC xəbər verir ki, bu sözləri “Qlobal və milli çağırışların həlli üçün universallığın və bölünməzliyin təşviq edilməsi” mövzusunda keçirilən beynəlxalq konfransın panel müzakirəsində Dövlət Miqrasiya Xidmətinin (DMX) rəisi Vüsal Hüseynov söyləyib.
Ermənistanın işğalından azad olunmuş ərazilərə azərbaycanlıların köçürülməsinin artıq başlandığını diqqətə çatdıran DMX rəisi deyib: “Bu, ölkəmizi yeni çağırışlarla qarşı-qarşıya qoyur. Ən böyük problemlərdən biri isə 30 illik işğal dövründə ərazilərimizin minalarla çirklənməsidir”.
V.Hüseynov əlavə edib: “Ümumdünya İnsan Hüquqları Bəyannaməsinin qəbul olunmasına təkan verən səbəblərdən biri də miqrasiya ilə bağlı idi. Dünyadakı qaçqın və məcburi köçkünlərin sayı 105 milyondan artıqdır. Azərbaycan da məcburi köçkün və qaçqınlardan əziyyət çəkən dövlətlərindən biridir. Dünyada miqrasiya proseslərinin həlli istiqamətində böyük işlər görülməlidir”.
Bölmənin digər xəbərləri
