“DON KİXOT” ROMANININ YENİ, TAM VERSİYALI NƏŞRİ
Bu işə rəhbərlik etmiş ispan filoloqu, Kral Dil Akademiyasının üzvü Fransisko Riko bildirmişdir ki, 1349 səhifədən ibarət olan nəşrə romanın orijinal mətni, İnkvizasiyanın təzyiqi ilə dahi yazıçının özünün düzəlişlər etdiyi digər mətnlər daxildir.
Haşıyələr, şübhə doğuran bütün söz və ifadələrin izahı verilən əsas cildlə yanaşı, əlavə cild də nəşr edilmişdir. Buraya mütəxəssislərin “Don Kixot”a şərhləri, habelə Qustav Dore, Pikasso və digər rəssamların romana çəkdikləri illüstrasiyalar, Məhzun Cəngavərin La-Manşdakı sərgüzəştlərinin marşrutları, Servantesin qəhrəmanının kitabxanasında saxlanılan bütün cəngavərlik romanlarının üz qabıqlarının faksımilesi, romandakı atalar sözləri və zərb-məsəllərin siyahısı daxildir.
Yubiley nəşri “Sirkule de Lektores” klubu nəzdindəki “Qalaksiya Quttenlerq” nəşriyyatında buraxılmışdır. Bu nəşriyyatın çap məhsulları yüksək keyfiyyəti ilə seçilir. Klub nəşrin 25 min nüsxəsini öz üzvlərinə paylamışdır. İndi isə əsər kütləvi satışa çıxarılmışdır.
İki cildin qiyməti 50 avrodur. Bu, eyni qəbildən olan nəşrlərin qiymətindən xeyli aşağıdır. Odur ki, kitabı da çox sayda oxucular ala bilərlər.
Bölmənin digər xəbərləri
