Dörd ayda qeyri-neft-qaz məhsullarının ixracı azalıb
Bakı, 13 iyun, AZƏRTAC
Bu ilin yanvar-aprel aylarında Azərbaycanda qeyri-neft-qaz məhsullarının ixracı 2019-cu ilin eyni dövrü ilə müqayisədə faktiki qiymətlərlə 5,8 faiz, real ifadədə isə 12,9 faiz azalaraq 548,9 milyon dollara bərabər olub.
Dövlət Statistika Komitəsindən AZƏRTAC-a bildirilib ki, qeyri-neft-qaz məhsulları üzrə ixracın dəyərində Rusiyaya (33,9 faiz), Türkiyəyə (22,3 faiz), Gürcüstana (10,7 faiz), İsveçrəyə (8,8 faiz), Çinə (3,3 faiz), Ukraynaya (2,4 faiz), İtaliyaya (2,3 faiz), Qazaxıstana (1,8 faiz), İrana (1,4 faiz), Belarusa (1,2 faiz), ABŞ-a (1,2 faiz) göndərilmiş malların payı üstünlük təşkil edib.
Bölmənin digər xəbərləri
