DÖVLƏT SƏRHƏD XİDMƏTİNİN RƏHBƏRLİYİ BEYNƏLXALQ İŞÇİ QRUPUNUN İCLASINA SƏDRLİK EDİR
AZƏRTAC xəbər verir ki, Azərbaycan Respublikası Dövlət Sərhəd Xidmətinin sədrlik etdiyi iclasda Avstriya, Böyük Britaniya, Gürcüstan, Macarıstan və Türkiyə sərhəd xidmətlərinin ekspertləri iştirak edirlər. Dövlət Sərhəd Xidməti rəisinin müavini, general-mayor İlham Mehdiyev Azərbaycan sərhədçilərinə göstərilən bu etimadı ölkəmizin yaranmış Dövlət Sərhəd Xidmətinin beynəlxalq əlaqələr sahəsində uğurlu fəaliyyətinin təsdiqi kimi səciyyələndirdi.
Beynəlxalq tədbirin əsas məqsədi mövcud praktikanı təhlil edərək, silah-sursat və radioaktiv materiallar qaçaqmalçılığının qarşısının alınması istiqamətində sərhəd nəzarətinin daha səmərəli təşkili, eləcə də Sərhəd Məsələləri üzrə Beynəlxalq Konfransın iştirakçısı olan dövlətləri bu sahədə əldə edilmiş qabaqcıl təcrübə ilə tanış etməkdən və müvafiq təkliflərin verilməsindən ibarətdir.
Bölmənin digər xəbərləri
