“DÖVLƏT SİRRİ HAQQINDA” QANUN LAYİHƏSİ ÜÇÜNCÜ OXUNUŞA HAZIRDIR
AZƏRTAC-ın müxbiri xəbər verir ki, iclasda “Dövlət sirri haqqında” və “Azərbaycan Respublikasının Hökuməti və Pakistan İslam Respublikası Hökuməti arasında beynəlxalq terrorçuluq və mütəşəkkil cinayətkarlıqla mübarizə sahəsində əməkdaşlıq haqqında” Sazişin təsdiq edilməsi barədə” qanun layihələri müzakirə olunmuşdur.
Milli Məclis sədrinin müavini, komissiyanın sədri Ziyafət Əsgərov demişdir ki, “Dövlət sirri haqqında” qanun layihəsinin parlamentin yaz sessiyasında ikinci oxunuş müzakirəsi zamanı deputatların irəli sürdükləri rəy və təkliflərin bəziləri nəzərə alınmışdır. Layihədəki dövlət sirrinin KİV-də yayımlanması ilə bağlı 29-cu maddə tamamilə çıxarılmışdır.
İkinci məsələnin müzakirəsi zamanı qeyd olunmuşdur ki, Azərbaycan terrora qarşı mübarizə aparan dövlətlər sırasında ön yerlərdən birini tutur və bu günə qədər 10-dan çox belə sazişə qoşulmuşdur. Pakistan İslam Respublikası ilə imzalanan Saziş də onlardan biridir və ölkəmizin milli maraqlarına tam cavab verir.
Sonda hər iki məsələnin Milli Məclisin müzakirəsinə çıxarılması qərara alınmışdır.
Bölmənin digər xəbərləri
