“Dövlətin ərazi bütövlüyünü bərpa etmək hüququ” kitabı rus dilində çapdan çıxıb
Bakı, 13 iyun, AZƏRTAC
AMEA-nın Hüquq və İnsan Haqları İnstitutunun Ukrayna Ali Radasının Qanunvericilik İnstitutu və “Hüquq və siyasət” beynəlxalq elmi jurnalı ilə birgə hazırladığı “Dövlətin ərazi bütövlüyünü bərpa etmək hüququ” kitabı nəşr olunub.
Hüquq və İnsan Haqları İnstitutundan AZƏRTAC-a bildirilib ki, rus dilində nəşr olunan kitabın baş məsləhətçisi institutun direktoru, hüquq üzrə elmlər doktoru, professor Aytən Mustafazadə, elmi redaktoru hüquq üzrə elmlər doktoru, professor Namiq Əliyev, nəşrə məsul şəxs isə elmi işlər üzrə direktor müavini Lalə Əhmədovadır.
Azərbaycan, Ukrayna, Gürcüstan, Litva və Moldova alimlərinin məqalələrindən ibarət olan toplu dövlətin ərazi bütövlüyünü bərpa etmək hüququ ilə bağlı gerçəklərin dünya ictimaiyyətinin diqqətinə çatdırılması məqsədilə çap olunub.
Bölmənin digər xəbərləri
