DÜNYA ANA SÜDÜ HƏFTƏSİNƏ YEKUN VURULMUŞDUR
Yığıncaqda proqramın Azərbaycan üzrə milli əlaqələndiricisi Sədaqət Şahi həftənin yekunlarını müsbət dəyərləndirərək, respublikada 64 doğum evinin “Körpə dostu klinikası” adı aldığını diqqətə çatdırmışdır. S.Şahi bölgələrdə, qadın məsləhətxanaları və doğum evlərində ana südü ilə qidalandırmanın təbliği ilə bağlı aparılan məşğələlərin nəticələri barədə məlumat vermişdir.
Tədbirdə Səhiyyə Nazirliyinin baş pediatrı, K.Fərəcova adına Elmi Tədqiqat Pediatriya İnstitutunun direktoru Nəsib Quliyev bu sahədə aparılan elmi tədqiqat işlərindən söz açmışdır. Səhiyyə müəssisələrinin həkimləri, qeyri-hökumət təşkilatlarının nümayəndələri Qusar, Əli Bayramlı, Tərtər, Salyan, Quba və Sabirabad rayonlarında keçirilən monitorinqlərin müsbət nəticələrindən, uşaq qidalarının satışındakı nöqsanlardan danışmışlar.
Bölmənin digər xəbərləri
