Dünya Boks Şurası Deontey Uaylderlə Tayson Fyuri arasında revanşla bağlı tapşırıq verib
Bakı, 17 yanvar, AZƏRTAC
Dünya Boks Şurası (WBC) super ağır çəki dərəcəsində dünya çempionu amerikalı Deontey Uaylderlə keçmiş dünya çempionu, narkotik və dopinq probleminə görə, titullarından məhrum olmuş britaniyalı Tayson Fyurinin revanşla bağlı danışıqlara başlaması barədə qərar qəbul edib.
AZƏRTAC xəbər verir ki, WBC bununla bağlı xəbərdarlığında qeyd edib: “Əgər idmançılar öz aralarında razılıq əldə edə bilməsələr, o zaman fevralın 5-də müsabiqə təşkil ediləcək və döyüşün taleyinə aydınlıq gətiriləcək”.
Müsabiqənin təşkili üçün WBC mükafat fondunu bölüşdürməsi ilə bağlı standartlara dəyişiklik edib. Belə ki, mükafat fondu çempionun xeyrinə 70/30-dan 60/40-a dəyişdirilib.
Boksçuların ilk döyüşü heç-heçə bitib.
Bölmənin digər xəbərləri
