Dünya ermənilərin əsl kimliyini görməyə başlayır
Bakı, 26 fevral, AZƏRTAC
Səfərbərlik və Hərbi Xidmətə Çağırış üzrə Dövlət Xidmətində Xocalı faciəsinin 24-cü ildönümünə həsr olunmuş anım tədbiri keçirilib.
Xidmətdən AZƏRTAC-a bildiriblər ki, əvvəlcə Xocalı soyqırımının qurbanlarının xatirəsi bir dəqiqəlik sükutla yad edilib.
Dövlət Xidməti rəisinin müavini, general-mayor Novruzəli Orucov tədbirdə çıxış edərək Xocalının işğalı zamanı ermənilərin misli görünməmiş dəhşətli cinayətlər törətdiklərini deyib. Qeyd olunub ki, Xocalıda törədilən soyqırımı bütün dünyanın gözü qarşısında baş verib. Hətta ermənilər özləri də bunu açıq etiraf edirlər. Azərbaycan xalqının düşməni, erməni yazıçısı Zori Balayan “Ruhumuzun canlanması” adlı kitabında Xocalıda törətdikləri cinayət əməllərini geniş açıqlayır.
Novruzəli Orucov Xocalı faciəsinə siyasi-hüquqi qiymət verilməsində ümummilli lider Heydər Əliyevin xüsusi rolu olduğunu qeyd edib. Artıq dünyanın Xocalı faciəsini soyqırımı kimi qəbul etdiyini bildirən natiq deyib: “Ermənilər dünyada özlərini məzlum kimi göstərərək böyük cinayət törətdilər. İndi isə dünya ermənilərin əsl kimliyini görməyə başlayır. Artıq bir neçə ölkə, ABŞ-ın ştatları Xocalı faciəsini rəsmi şəkildə soyqırımı kimi tanıyıb”.
Sonda “Xocalıda son gecə” filmi nümayiş etdirilib.
Bölmənin digər xəbərləri
