DÜNYA POÇT İTTİFAQININ YARANMASI GÜNÜ MÜNASİBƏTİLƏ MƏRASİM KEÇİRİLMİŞDİR
Müəssisənin baş direktoru Qəmbər Bəybalayev poçt rabitəsi sahəsində əldə olunmuş nailiyyətlərdən, ölkəmizin dünyanın nüfuzlu təşkilatlarından olan Ümumdünya Poçt İttifaqı ilə sıx əməkdaşlığından və bu beynəlxalq təşkilatda fəal üzvünə çevrilməsindən danışmışdır.
Rabitə və informasiya texnologiyaları naziri Əli Abbasov poçt-rabitə sisteminin yeni inkişaf mərhələsinə qədəm qoyduğunu bildirmişdir. Qeyd etmişdir ki, ümummilli liderimiz Heydər Əliyevin Azərbaycanda yaratdığı sabitlik milli poçtun öz potensial imkanlarından istifadə etməsinə şərait yaratmışdır. Ölkəmizin Prezidenti İlham ƏIliyevin rabitə və informasiya texnologiyalarının inkişafına göstərdiyi diqqət və qayğı Azərbaycan poçtunun dünya poçt sistemlərinə inteqrasiya olunmasına geniş imkanlar açmışdır.
Nazir ölkəmizdə rabitənin inkişaf etdirilməsi, müasir informasiya texnologiyalarının daha geniş tətbiq olunması ilə bağlı qarşıda duran vəzifələrdən danışmışdır.
Mərasimdə poçt işçilərinə fəxri fərman və mükafatlar təqdim olunmuşdur.
Bölmənin digər xəbərləri
