DÜNYA SƏHİYYƏ TƏŞKİLATININ NÜMAYƏNDƏ HEYƏTİ AZƏRBAYCANA GƏLMİŞDİR
Dünya Səhiyyə Təşkilatı (DST) Avropa regional bürosunun ekspert qrupu Azərbaycana gəlmişdir. DST-nin Bakı nümayəndəliyindən bildirmişlər ki, səfər zamanı ekspertlər Səhiyyə Nazirliyində, QİÇS və immun çatışmazlığı sahəsində mütəxəssislərlə, veneroloqlarla görüşlər keçirəcəklər. Aprelin 24-dən 30-dək səhiyyədə islahatlar tədris mərkəzində QİÇS-in profilaktikası üzrə milli strateji planlaşdırma proqramı çərçivəsində DST ekspertlərinin iştirakı ilə seminar olacaqdır. Seminarda həkimlərlə yanaşı, müxtəlif beynəlxalq təşkilatların, səhiyyə, müdafiə, ədliyyə nazirliklərinin, dini qurumların nümayəndələri də iştirak edəcəklər. Tədbirdən əsas məqsəd respublikamızda bu xəstəliklərlə əlaqədar vəziyyəti təhlil etmək, strateji planlaşdırma proqramlarının həyata keçirilməsi sahəsində xarici ölkələrin təcrübəsini öyrənməkdir.
Bölmənin digər xəbərləri
