DÜNYANIN ƏN UCA BOYLU QADINI VƏFAT ETMİŞDİR
AZƏRTAC xəbər verir ki, Si-En-En telekanalının məlumatına görə, ABŞ-ın İndiana ştatının Şelbivill şəhərində dünyanın ən hündür qadını - boyu 2 metr 31 santimetr olan Sendi Allen 53 yaşında vəfat etmişdir. O, müxtəlif xəstəliklərdən əziyyət çəkirdi.
Adı Ginnessin rekordlar kitabına daxil edilmiş qadının boyunun belə artmasına səbəb hipoviz (daxili sekresiya vəziləri) şişi olmuşdur. 1977-ci ildə aparılan cərrahiyyə əməliyyatından sonra Allenin boyunun artması dayanmışdı.
1974-cü ildə məşhur rejissor Federiko Fellini onu “Kazanova” filmində kiçik rola çəkmişdi.
Bölmənin digər xəbərləri
