“ƏBƏDİ MƏŞƏL” ƏDƏBİ-BƏDİİ KOMPOZİSİYASI TƏQDİM OLUNMUŞDUR
Bakı, 19 yanvar (AZƏRTAC). Yanvarın 19-da Mədəniyyət və Turizm Nazirliyinin Lətif Kərimov adına Azərbaycan Xalçası və Xalq Tətbiqi Sənəti Dövlət Muzeyində 20 Yanvar faciəsinin 20-ci ildönümünə həsr olunmuş tədbir keçirilmişdir.
Muzeyin əməkdaşları Gülşən Hüseynova, Aygün Abbasova, Ramiz Əliyev və başqaları çıxış edərək 1990-cı il yanvarın 19-dan 20-nə keçən gecə baş vermiş faciədən danışmış və şəhidlərimizin xatirəsinin daim xalqımız tərəfindən əziz tutulduğunu söyləmişlər.
Tədbirdə “Yeni istedadlar və gənclər” təşkilatının üzvlərindən ibarət istedadlı şagirdlərin ifasında 20 Yanvar hadisələrindən bəhs edən “Əbədi məşəl” ədəbi-bədii kompozisiyası nümayiş etdirilmiş, vətənpərvərlik ruhunda şeirlər səsləndirilmişdir.
Mərasim zamanı şagirdlər həmin faciəni əks etdirən rəsmlər çəkmişlər.
Bölmənin digər xəbərləri
