Ədalət Verdiyev: Şəhidlərimiz bizim qürur yerimizdir
Şuşa, 27 sentyabr, Tahir Ağaməmmədov, AZƏRTAC
Vətən müharibəsində şanlı Qələbənin əldə olunmasında şəhidlərimizə borcluyuq. Bu gün Qarabağ və Şərqi Zəngəzurun bütün ərazilərində Anım Gününü qeyd edirik. Bu il Anım Günü həm də antiterror tədbirləri zamanı azad olunan Ağdərədə, Xocalıda, Xankəndidə qeyd olunur.
Bunu Şuşa şəhərində AZƏRTAC-ın bölgə müxbirinə açıqlamasında hərbi ekspert Ədalət Verdiyev deyib.
“Ali Baş Komandanımızın rəhbərliyi ilə ordumuzun şəxsi heyəti Qələbənin əldə olunmasında böyük qəhrəmanlıqlar nümayiş etdirdi. Öz qanları, canları bahasına torpaqlarımızı azad edən şəhidlərimiz bizim qürur yerimizdir. Allah bütün şəhidlərimizə rəhmət eləsin” - deyə, hərbi ekspert əlavə edib.
Bölmənin digər xəbərləri
