Əhliman Əmiraslanov: Ana ölümü nəinki dünyada, həm də Azərbaycanda ciddi problemlərdən biridir
Bakı, 29 noyabr, AZƏRTAC
Ana ölümü nəinki dünyada, həm də Azərbaycanda ciddi problemlərdən biridir.
AZƏRTAC xəbər verir ki, bu fikirləri Milli Məclisin Səhiyyə komitəsinin sədri Əhliman Əmiraslanov “Ailə sağlamlığı və dəyərləri qanunvericilik aspektində” mövzusunda noyabrın 29-da parlamentdə keçirilən ictimai dinləmədə səsləndirib.
Komitə sədri bildirib ki, ölkəmizdə ana və uşaq ölümünün qarşısının alınması istiqamətində xeyli iş görülüb və nəticə göz qabağındadır. Amma arxayınlaşmaq olmaz.
“1990-cı illərin əvvəllərində ana və uşaq ölümünün sayı 30 minə gəlib çatmışdı. İndi bu rəqəm 10-11 arasındadır.
Bəzi məsələlər var ki, vətəndaşların özlərindən asılıdır. Onlar vaxtında həkimə müraciət etmirlər. Xəstəxanadan kənar doğuş, erkən nikahlar ana və uşaq ölümünü doğuran səbəblərdəndir.
Ə.Əmiraslanov insanların tibbi müayinədən mütləq keçmələrinin vacibliyini vurğulayıb. Bildirib ki, bu, vaxtında ağır patologiyanın qarşısını almağa imkan verir.
Bölmənin digər xəbərləri
