EKOLOQLAR YAXIN İLLƏRDƏ XƏZƏRİN SƏVİYYƏSİNİN QALXACAĞINI PROQNOZLAŞDIRIRLAR
Nazirliyin mətbuat xidmətindən AZƏRTAC-ın müxbirinə bildirmişlər ki, atlasdakı məlumatlar əsasında Xəzərdə suyun səviyyəsinin qalxması ilə əlaqədar hansı əraziləri su basacağını əvvəlcədən proqnozlaşdırmaq olar. Mütəxəssislərin fikrincə, şimal yarımkürəsində baş verən qlobal istiləşmə və atmosfer prosesləri Xəzərdə suyun səviyyəsinin daha 1 metr qalxmasına səbəb olacaqdır.
Tarixi mənbələrə görə, son 200 ildə dənizin səviyyəsinin dəyişmə amplitudası 4,5 metr təşkil etmişdir. Bu proses Bakıda 1830-cu ildən müşahidə edilməyə başlamışdır. Suyun qalxmasının ən yüksək səviyyəsi 1978-1995-ci illərdə qeydə alınmış (2,5 metr), 2001-ci ilədək göstəricilər sabit qalmışdır. 2001-ci ildən dənizin səviyyəsi yenidən qalxmağa başlamış və 2005-ci ildə bu göstərici 12 santimetr olmuşdur.
1978-1995-ci illərdə Xəzərdə suyun səviyyəsinin qalxması nəticəsində 400 min hektar sahilyanı torpaqları su basmışdır ki, bunun da 50 min hektarı Azərbaycan ərazisindədir. Azərbaycanın 50 yaşayış məntəqəsi, 250 sənaye müəssisəsi, 20 kilometr dəmir yol xətti, 60 kilometr avtomobil yolu da su altında qalmış, ölkə iqtisadiyyatına 2 milyard ABŞ dolları məbləğində ziyan dəymişdir.
Bölmənin digər xəbərləri
