“Əlaqə mərkəzi təmsilçisi” olmaq istəyənlərin nəzərinə
Bakı, 20 fevral, AZƏRTAC
Peşə Təhsili üzrə Dövlət Agentliyi “Əlaqə mərkəzi təmsilçisi” təliminə ərizə qəbulu elan edib.
Agentlikdən AZƏRTAC-a bildirilib ki, təlimə qoşulmaq istəyənlər fevralın 25-dək müraciət edə bilərlər.
Təlimə seçilmiş iştirakçılar dövlət qurumları, ticarət, xidmət və digər sektorlardan müraciət edənlərin gözlənti, irad və şikayətlərini təqib və təhlil etməyi, eləcə də mümkün həll yollarını öyrənəcəklər. Təlimin məqsədi sözügedən xidmət sahəsində peşəkarlığın yüksəldilməsi, əmək bazarında rəqabətlilik və məşğulluq səviyyəsinin artırılmasıdır.
Ümumilikdə 50 saat olan interaktiv onlayn və praktiki məşğələlərdən ibarət təlimin sonunda kursu müvəffəqiyyətlə başa vuran iştirakçılara sertifikatlar təqdim olunacaq.
Bölmənin digər xəbərləri
