Əli Hüseynli: Biz haqq işimizi dəstəkləyənləri unutmuruq
Ağdam, 3 noyabr, Tahir Ağaməmmədov, AZƏRTAC
Azərbaycan-Estoniya münasibətləri Prezident İlham Əliyevin həyata keçirdiyi siyasət nəticəsində ən yüksək səviyyədədir. Həm Vətən müharibəsindən əvvəl, həm də Vətən müharibəsinin gedişində biz Estoniyanın Azərbaycanın haqq işinin yanında olduğunu müşahidə etmişdik.
Bu sözləri Estoniya-Azərbaycan parlamentlərarası dostluq qrupunun nümayəndələri ilə işğaldan azad edilmiş Ağdam şəhərinə səfəri zamanı AZƏRTAC-ın bölgə müxbirinə açıqlamasında Milli Məclis sədrinin birinci müavini Əli Hüseynli bildirib.
“Estoniya-Azərbaycan parlamentlərarası dostluq qrupunun sədri Sven Sesterin rəhbərlik etdiyi nümayəndə heyətinin Zəfər günü ərəfəsində Azərbaycana, işğaldan azad edilmiş ərazilərə səfər etməsini yüksək qiymətləndiririk. Onlar erməni faşistlərinin törətdikləri cinayətlərin şahidi oldular. Biz haqq işimizi dəstəkləyənləri unutmuruq”, - deyə Əli Hüseynli əlavə edib.
Bölmənin digər xəbərləri
