“Elm” qəzetinin növbəti nömrəsində...
Bakı, 13 noyabr, AZƏRTAC
AMEA Rəyasət Heyətinin həftəlik mətbu orqanı olan “Elm” qəzetinin cari ildə 39-cu nömrəsi işıq üzü görüb.
Bu barədə AZƏRTAC-a AMEA-dan məlumat verilib. Bildirilib ki, “Qarabağ Azərbaycandır!” şüarı ilə nəşr olunan qəzetin ilk səhifəsində Müzəffər Ali Baş Komandan İlham Əliyevin Şuşada hərbçilərimiz qarşısında çıxışı və “Doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında” Azərbaycan Respublikası Prezidentinin 2019-cu il 14 fevral tarixli Sərəncamında dəyişiklik edilməsi barədə ölkə rəhbərinin Sərəncamı yer alıb.
Yeni nömrədə, həmçinin AMEA Rəyasət Heyətinin iclası, İkinci Beynəlxalq Qarabağ - Tətbiqi Elmlər Konqresi, Zəfər Gününə həsr edilən tədbirlər, “Cavidşünaslıq” çoxcildliyinin təqdimatı, AMEA-nın vitse-prezidenti akademik Rasim Əliquliyev və AMEA prezidenti katibliyinin rəisi, siyasi elmlər üzrə fəlsəfə doktoru, dosent Eldar Əmirovla müsahibələr, məqalələr, nəşrlər, elmi yeniliklər, müsabiqələr və s. informasiyalar oxuculara təqdim olunur.
Bölmənin digər xəbərləri
