Elmir Ramazanov: Yeni mərkəz gömrük rəsmiləşdirilməsi prosesinin çevik aparılmasına şərait yaradacaq
Bakı, 18 aprel, AZƏRTAC
Bakı Baş Gömrük İdarəsində xarici ticarət iştirakçıları üçün xidmət növləri üzrə inteqrə edilmiş xüsusi mərkəz yaradılıb.
AZƏRTAC xəbər verir ki, bunu Bakı Baş Gömrük İdarəsinin rəis müavini Elmir Ramazanov bildirib.
O qeyd edib ki, məqsəd vətəndaş müraciətlərinin cavablandırılması prosesində operativliyin artırılması, şəffaflığın, əlçatanlığın təmin olunması, xidmətlərin rəqəmsallaşdırılmasıdır.
Rəis müavini əlavə edib ki, tətbiq edilən yenilik gömrük rəsmiləşdirilməsi prosesinin çevik şəkildə aparılmasına, xarici ticarət iştirakçılarının vaxta qənaət etməsinə, vətəndaş-məmur münasibətlərində qarşılıqlı etimadın artırılmasına şərait yaradacaq. Eyni zamanda vətəndaş müraciətlərinin və sorğularının vahid bazası formalaşacaq ki, bu da məlumatların emalı və təhlilinin aparılması, hədəflərin düzgün müəyyənləşdirilməsi, xidmətlərin səmərəliliyinin ölçülməsi baxımından mühüm əhəmiyyət daşıyır.
Bölmənin digər xəbərləri
