Əlyazmalar İnstitutunun əməkdaşları beynəlxalq sertifikata layiq görülüblər
Bakı, 19 iyun, AZƏRTAC
AMEA-nın Məhəmməd Füzuli adına Əlyazmalar İnstitutunun əməkdaşları Çexiyanın paytaxtı Praqada keçirilən “Türk Dünyasının Sosial Elmlər üzrə VII Beynəlxalq Simpoziumu”nda onlayn şəkildə iştirak ediblər.
Bu barədə AZƏRTAC-a AMEA-dan bildirilib. Türk Dünyası İnstitutunun təşkilatçılığı ilə keçirilən simpoziumda Əlyazmalar İnstitutunun əməkdaşları - Aynurə Məmmədova “Xəlifə Əciz “Divan”ında Həzrət Əli sevgisi”, Jalə Şükürova “Pərvin Etisami poeziyası”, Könül Bağırova “Azərbaycan ədəbiyyatında Məhəmməd Tağının publisist fəaliyyəti” mövzularında məruzələrlə çıxış edib və beynəlxalq sertifikata layiq görülüblər.
Bölmənin digər xəbərləri
