ƏN BÖYÜK ARZUMA ÇATMIŞAM, ÖLKƏYƏ MEDALLARLA QAYITMIŞIQ
AZƏRTAC xəbər verir ki, bu sözləri cüdo üzrə Azərbaycan yığma komandasının baş məşqçisi Ağayar Axundzadə cüdoçularımızın Pekin Olimpiadasında çıxışlarının yekununu şərh edərkən bildirmişdir.
Özünü xoşbəxt saydığını deyən A.Axundzadə, yetirmələrinin qazandıqları uğurların Prezident İlham Əliyevin ölkədə idmanın inkişafına diqqət və qayğısının nəticəsi olduğunu xüsusi vurğulamışdır. A.Axundzadə Azərbaycan Prezidentinin Olimpiadada idmançıları daim dəstəklədiyini xüsusi vurğulamışdır.
Bununla belə, baş məşqçi bəzi məqamlardan, o cümlədən böyük ümidlər bəslənən Elxan Məmmədlinin çıxışından narazı qaldığını bildirmişdir. “Elxan Məmmədli imkanlarından xeyli aşağı səviyyədə çıxış etmişdir. Olimpiadada hər bir idmançıdan özünə inam, güc və qələbə uğrunda sonadək mübarizə tələb olunur. Düşünürəm ki, bu məğlubiyyət Elxan üçün çox böyük dərs olacaq və növbəti yarışlarda o, fərqli çıxış edəcəkdir”.
Bölmənin digər xəbərləri
