Ənənəvi və xalq təbabəti üzrə birinci Konqresə hazırlıq görülür
Bakı, 30 dekabr, AZƏRTAC
MDB İşgüzar Mərkəzinin səhiyyə və sağlamlığı qoruyan texnologiyalar Komitəsi ənənəvi və xalq təbabəti üzrə Ekspertlər Şurasının genişləndirilmiş iclasını keçirib.
AZƏRTAC MDB İcraiyyə Komitəsinin saytına istinadla xəbər verir ki, iclasda əsas müzakirə mövzusu MDB, ŞƏT, BRICS və Avrasiya İqtisadi Birliyinin ənənəvi və xalq təbabəti üzrə birinci Konqresinə hazırlıq məsələləri, həmçinin tədbirlərin koordinasiyası məqsədilə təşkilat komitəsinin yaradılması olub.
İclasda MDB ölkələri, habelə Çin, Vyetnamın səhiyyə nazirliklərinin nümayəndələri, Rusiya Federasiyası Dövlət Dumasının təmsilçiləri iştirak ediblər.
Konqresin təşkilat komitəsi yekdilliklə tədbirin devizini təsdiq edib: “Ənənəvi təbabət; sağlamlıq və əmin-amanlığa qayğıda xalqların birləşməsi”. İştirakçılar əmin olduqlarını bildiriblər ki, səhiyyə və sağlamlıq sahəsində bu mühüm tədbir uğurla həyata keçiriləcək.
Bölmənin digər xəbərləri
