Energetika Nazirliyi: Birinci rübdə Texniki Şuralara 519 müraciət daxil olub
Bakı, 2 aprel, AZƏRTAC
Cari ilin ilk rübü ərzində Energetika Nazirliyinin tabeliyində olan Enerji Məsələlərini Tənzimləmə Agentliyi tərəfindən sahibkarlıq obyektlərinin elektrik şəbəkəsinə qoşulması ilə bağlı “ASAN xidmət” və “ASAN Kommunal” mərkəzlərində fəaliyyət göstərən Texniki Şuralar vasitəsilə 519 müraciətə baxılıb.
Nazirlikdən AZƏRTAC-a bildirilib ki, rüb ərzində qəbul edilmiş müraciətlərdən 518-nin icrası təmin edilib, bir müraciətdən isə təqdim edilmiş sənədlərdəki uyğunsuzluqlar səbəbindən imtina olunub.
Hazırda “ASAN xidmət” və “ASAN Kommunal” mərkəzlərində 12 Texniki Şura fəaliyyət göstərir.
Xatırladaq ki, Texniki Şuralar Azərbaycan Respublikası Prezidentinin 2017-ci il 4 aprel tarixli Fərmanının 2-ci hissəsinə əsasən, sahibkarların mövcud və ya inşa ediləcək tikinti obyektlərinin elektrik enerjisi ilə təchizatı prosedurunun sadələşdirilməsi məqsədilə yaradılıb.
Bölmənin digər xəbərləri
