Enn Vuds dünyanın ən vahiməli və eybəcər qadınıdır
Bakı, 8 noyabr (AZƏRTAC). 62 yaşlı britaniyalı qadın Enn Vuds dünyanın ən çirkin və vahiməli qadını kimi Ginnesin rekordlar kitabına düşmüşdür.
O, bununla fəxr etdiyini söyləmişdir. Bu “uğuru” qazanmaq üçün Vuds illər boyu gərgin şəkildə cəhdlər göstərmişdir . O, 27 dəfə İngiltərənin Kambriya qraflığında mütəmadi keçirilən “xərçəng sifətli ” müsabiqəsinin qalibi olmuşdur. Lakin nədənsə Ginnesin rekordlar kitabının tərtibçiləri onu görə bilməmişlər.
Bu arada müsabiqədə 11 dəfə dünyanın ən çirkin və vahiməli kişisi hesab edilən Tommi Mattison da adını rekordlar Kitabına yazdırmışdır.
AZƏRTAC xarici mətbuata istinadla xəbər verir ki, müsabiqədə uğur qazanmaq üçün iştirakçıların qorxulu zahiri görünüşü əsas şərt olmamışdır. Vuds özü gənclik illərində xoşsifət və yapışıqlı olmuşdur. Müsabiqədə əsasən özünü qorxunc şəklə salmaq, minimum qeyri-adi mimika nünmayiş etdirmək bacarığı qiymətləndirilir. Vuds isə bu sənəti təkmil şəkildə mənimsəyə bilmişdir.
Yeri gəlmişkən, iddiaçıların hamısı sifəti vahiməli şəkilə salmaq üçün başlarına at xamutu keçirməkdən belə çəkinməmişlər. Ehtimal olunur ki, bu ənənə orta əsrlərdən gəlir.
Bölmənin digər xəbərləri
