ƏRAZİ BÜTÖVLÜYÜ VƏ SƏRHƏDLƏRİN TOXUNULMAZLIĞINA HÖRMƏTLƏ YANAŞILMALIDIR
AZƏRTAC xəbər verir ki, bu fikri Litva Respublikasının Prezidenti Valdas Adamkus Bakıda rəsmi səfərdə olarkən bildirmişdir. Onun sözlərinə görə, bu, müasir beynəlxalq sistemin əsasını təşkil edir. Biz beynəlxalq sistemin məhv edilməsinə imkan verə bilmərik.
Öz müqəddəratını təyin etmiş Azərbaycan xalqını Avropanın bir hissəsi kimi gördüyünü vurğulayan Prezident V.Adamkus Ermənistan-Azərbaycan, Dağlıq Qarabağ probleminin həlli yollarından da danışmışdır. O bildirmişdir ki, ilk növbədə, işğalçı silahlı qüvvələr çıxarılmalı və bu, beynəlxalq müşahidəçilərin nəzarəti altında həyata keçirilməlidir. Bununla yerli əhali üçün sabitlik və təhlükəsizlik təmin ediləcək və Azərbaycanın suverenliyi tədricən bərpa olunacaqdır.
Bölmənin digər xəbərləri
