ERMƏNİLƏR ÖZLƏRİNƏ SADİQDİRLƏR
AZƏRTAC İTAR-TASS agentliyinə istinadla xəbər verir ki, Pekində İsveç bayrağı altında çıxış edən, 2004-cü il Olimpiadasının gümüş mükafatçısı Ara Abramyan 84 kiloqramadək çəki dərəcəsində qazandığı bürünc Olimpiya medalını qəbul etməmişdir. O, mükafatlandırma mərasimində nümayişkaranə şəkildə mükafatını xalçaya atmış, gül dəstəsini fəxri kürsüyə qoyub salonu tərk etmişdir. Erməni idmançının sözlərinə görə, o, bununla yarımfinalda qələbəni İtaliya idmançısı Andrea Minquttsiyə vermiş hakimlərin qərarına etirazını bildirmişdir.
İdmançı demişdir: “Zənnimcə, məğlubiyyətim haqsızlıqdır. Hakimlərin mübahisəli qərarı Beynəlxalq Güləş Federasiyasının fəaliyyətinin düzgün olmadığını göstərir. Məni bürünc medal maraqlandırmırdı, buraya “qızıl” dalınca gəlmişdim”.
Bölmənin digər xəbərləri
