ERMƏNİSTAN SİLAHLI QÜVVƏLƏRİNİN BÖLMƏLƏRİ MİLLİ ORDUMUZUN MÖVQELƏRİNİ AVTOMAT VƏ PULEMYOTLARDAN ATƏŞƏ TUTMUŞLAR
Müdafiə Nazirliyinin mətbuat xidmətindən AZƏRTAC-a bildirmişlər ki, Ermənistan silahlı qüvvələrinin bölmələri mayın 7-də saat 11.00-dan 19.30-dək fasilələrlə Ermənistanın Berd rayonunun Nerkin Karmiraxpyur və Çinari kəndləri sahəsindəki mövqelərindən milli ordumuzun Tovuz rayonunun Əlibəyli, Koxanəbi və Əsrik Cırdaxan kəndləri sahəsində yerləşən mövqelərini, saat 14.10-dan 21.00-dək ara-sıra Tərtər rayonunun Qızıloba və Seysulan kəndləri yaxınlığında yerləşən mövqelərindən, saat 18.40-dan 18.55-dək Ağdam rayonunun Yusifcanlı və Mərzili kəndləri yaxınlığında yerləşən mövqelərindən, mayın 8-də saat 1.50-dən 2.00-dək Xocavənd və Füzuli rayonlarının ərazisindəki adsız yüksəkliklərdə yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
