ƏZİZBƏYOV VƏ SABUNÇU RAYONLARINDA EV OĞRULARI TUTULMUŞLAR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Xuraman Əbülfəzovanın mənzilindən 300 çin yuanı, 200 rubl və mobil telefonu, Rəna Qurbanovanın mənzilindən isə 1000 manat pul oğurlamış Rövşən İbrahimov Əzizbəyov Rayon Polis İdarəsinin 2-ci bölməsi əməkdaşlarının həyata keçirdikləri əməliyyat-axtarış tədbirləri nəticəsində tutulmuşdur.
Əvvəllər oğurluq etdiyinə görə məhkum olunmuş İsrafil Hüseynovun Bakı şəhər sakini Rəşid Məmmədovla birgə Ləhic bağ sahəsində Dilarə Əliyevaya, Alxas və Məhərrəm Hüseynov qardaşlarına, eləcə də Balaxanı qəsəbə sakini İbn Sabirə məxsus bağ evlərinin dəmir darvazalarını oğurladığı müəyyən edilmişdir.
Sabunçu Rayon Polis İdarəsinin 14-cü bölməsi əməkdaşlarının həyata keçirdikləri əməliyyat-axtarış tədbirləri nəticəsində oğrular tutularaq məsuliyyətə cəlb edilmişlər.
Faktlarla bağlı araşdırmalar aparılır.
Bölmənin digər xəbərləri
