Fatimə və Fidan Allahverdiyeva bacılarının uğurları
Bakı, 18 sentyabr, AZƏRTAC
Fatimə və Fidan Allahverdiyeva bacıları eyni məktəbin eyni sinfini bitirərək, Bakı Dövlət Universitetinin (BDU) Hüquq fakültəsinə yüksək balla qəbul olublar.
Bu barədə AZƏRTAC-a BDU-dan məlumat verilib. Bildirilib ki, Fatimə və Fidan bacıları ali məktəbə qəbul imtahanlarına da birgə hazırlaşaraq uğur qazanıb, arzularına çatıblar.
Fatimə Allahverdiyeva deyir: “Ali məktəbə qəbul imtahanlarına hazırlaşmaq prosesinin özü belə bizim üçün çox maraqlı idi. Hazırlaşdığımız ixtisas qrupu, qəbul olmaq istədiyimiz ali məktəb, fakültə eyni olduğu üçün bacımla daim bir-birimizə dəstək verirdik. İndi isə arzularımızı reallaşdırmışıq. BDU-nun tələbəsiyik. Çalışacağıq təhsildə uğurlarımızı artıraq”.
İki dəfə respublika fənn olimpiadasının qalibi olmuş Fidan Allahverdiyeva deyir ki, ölkəmizdə elmə, təhsilə xüsusi önəm verilir. Bu, bizi çox ruhlandırır, sevindirir... Arzum yüksəkixtisaslı, bacarıqlı mütəxəssis olmaqdır.
Bölmənin digər xəbərləri
