“Femida Könüllüləri Təşkilatı” İctimai Birliyi rəsmi dövlət qeydiyyatına alınıb
Bakı, 30 noyabr, AZƏRTAC
“Femida Könüllüləri Təşkilatı” İctimai Birliyi Ədliyyə Nazirliyinin “Qeyri-kommersiya qurumlarının dövlət reyestri”nə daxil edilib.
Bu barədə AZƏRTAC-a təşkilatdan məlumat verilib.
Təşkilat məhkəmə-hüquq sistemində könüllülərin iştirakçılığın artırılması, hüquq sahəsində təhsil alan gənclərin peşəkar inkişafına nail olmaq, onların müasir əmək bazarına uyğun yetişdirilməsinə, dövlət tərəfindən həyata keçirilən gənclər siyasətinə, o cümlədən vətəndaşların hüquqi maarifləndirilməsi istiqamətində görülən işlərə dəstək olmaq məqsədilə 2023-cü il avqustun 4-də təsis edilib.
Müxtəlif instansiya məhkəmələrində könüllülük fəaliyyəti göstərmək üçün indiyədək 2 000-ə yaxın hüquq təhsilli gənc müraciət edib. Hazırda onlardan 183 nəfəri müxtəlif instansiya məhkəmələrində çalışır. Digər müraciət edən şəxslərin də müsahibələrdən keçərək mərhələli şəkildə iştirakını təmin etməyi nəzərdə tutur.
Femida Könüllüləri Təşkilatı məhkəmə-hüquq sahəsində sistemli könüllülük fəaliyyətinin təşkilindən əlavə olaraq, hüquq və analoji ixtisaslarda təhsil alan gənclərin də (könüllü olmayan) müxtəlif layihə və tədbirlər vasitəsilə proseslərə cəlb etməyi nəzərdə tutur.
Qeyd edək ki, təşkilat məhkəmə-hüquq sahəsində tələbələrin təşəbbüsü ilə yaradılan, könüllülük fəaliyyətini vahid şəkildə təşkil edən və rəsmi dövlət qeydiyyatına alınan ilk təşkilatdır.
Bölmənin digər xəbərləri
