Fermadan oğurluq edən Astara sakini saxlanılıb
Astara, 21 oktyabr, Bağır Əliyev, AZƏRTAC
Astara rayonunun Qamışlı kəndində yerləşən fermadan ümumi dəyəri 3800 manat olan müşahidə kameraları, soyuducuya aid motor və radiatorların oğurlanması ilə bağlı rayon polis şöbəsinə müraciət daxil olub.
Daxili İşlər Nazirliyinin Mətbuat Xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, keçirilən əməliyyat-axtarış tədbirləri nəticəsində oğurluğu törətməkdə şübhəli bilinən şəxs qısa zamanda saxlanılıb.
Araşdırmalarla həmin şəxsin Astara rayon sakini Bəhruz Səmədov olduğu müəyyən edilib. Onun oğurladığı əşyalar saxladığı yerdən aşkarlanaraq maddi sübut kimi götürülüb.
Faktla bağlı araşdırmalar aparılır.
Bölmənin digər xəbərləri
