FHN-in Aviasiya dəstəsində keçirilən aksiyada 600-dən çox ağac əkilib
Bakı, 30 noyabr, AZƏRTAC
Fövqəladə Hallar Nazirliyinin (FHN) Aviasiya dəstəsində “Heydər Əliyev İli” çərçivəsində növbəti ağacəkmə aksiyası keçirilib.
FHN-in mətbuat xidmətindən AZƏRTAC-a bildiriblər ki, Aviasiya Dəstəsinin rəisi general-mayor Əşrəf Qasımov və dəstənin şəxsi heyətinin iştirakı ilə ağacəkmə aksiyası aviabazanın ərazisində təşkil olunub.
Əsas məqsəd ölkəmizdə ekologiyanın qorunması və ətraf mühitin sağlamlaşdırılmasına hər zaman xüsusi əhəmiyyət vermiş Ulu Öndər Heydər Əliyevin əziz xatirəsini anmaq, insanlar arasında ekoloji mədəniyyəti, təbiətə olan qayğı hissini təbliğ etməkdən ibarət olub.
Aksiyada müxtəlif növdə 600-dən çox ağac əkilib, həmçinin ərazidə təmizlik işləri aparılıb, yeni əkilmiş ağaclarla yanaşı əvvəlki illərdə əkilmiş ağaclara və gül kollarına aqrotexniki qulluq göstərilib.
Bölmənin digər xəbərləri
