FIFA 2018-ci il dünya çempionatının irs proqramına təqribən 60 milyon dollar ayıracaq
Bakı, 27 fevral, AZƏRTAC
Beynəlxalq Futbol Federasiyaları Assosiasiyası (FIFA) Rusiyada keçirilmiş dünya çempionatının irs proqramına azı 60 milyon dollar ayıracaq. Bu barədə jurnalistlərə turnirin təşkilat komitəsinin sədri Arkadi Dvorkoviç bildirib.
AZƏRTAC TASS agentliyinə istinadla xəbər verir ki, ayrılan vəsait uşaq və qadın futbolunun inkişafına, infrastrukturun dəstəklənməsinə xərclənəcək.
“Biz “Rusiya-2018”in təşkilat komitəsinin yekun iclasını keçirdik. Həm məzmun, həm də maliyyə baxımından nəticə çıxardıq. Ən başlıca məsələ olan irs proqramı və onun məzmunu üzərində işlərin davamı barədə razılığa gəldik. İrs proqramı İdman Nazirliyi, Rusiya Futbol İttifaqı və FIFA tərəfindən müzakirə edilir”, - deyə A.Dvorkoviç bildirib.
“Rusiya-2018” təşkilat komitəsi muxtar qeyri-kommersiya təşkilatı olub, futbol üzrə dünya çempionatının keçirilməsi hüququnu qazandıqdan sonra Rusiya Hökumətinin qərarı ilə təsis edilib.
Sifariş komitəsinin bazasında yaradılan təşkilat komitəsi 2010-cu ilin sonunda Sürixdə Rusiyanın müraciətini təmsil edib. Moskvanın müraciəti səsvermənin ikinci turunda qalib gəlib.
Bölmənin digər xəbərləri
