FİFA DÜNYA ÇEMPİONATINDAN SONRA CAR STADİONLARINDAN İSTİFADƏ OLUNA BİLİNMƏYƏCƏYİNƏ GÖRƏ NARAHATDIR
Bakı, 23 iyun (AZƏRTAC). FİFA xüsusi olaraq 2010-cu il dünya çempionatı üçün inşa edilən Cənubi Afrika Respublikası stadionlarının gələcəyinə görə narahatdır. Gələcəkdə bu obyektlərdən istifadə olunmasını təmin etmək üçün təşkilatçılar konkret addımlar atmalıdırlar. Belə ki, Durban şəhərindəki 90 min nəfərlik və Keyptaundakı 68 min tamaşaçı üçün nəzərdə tutulmuş stadionlar istifadəsiz qala bilər. Yerli reqbi komandası stadionlardan istifadə edilməsinə maraq göstərmir və belə ehtimal olunur ki, həmin obyektlər dünya çempionatından sonra boş qalacaqdır. FİFA bu problemi təşkilatçılarla birlikdə həll etməyi planlaşdırır. İdman obyektlərindən gələcəkdə istifadə olunması ilə əlaqədar məsələlərin müzakirəsinə başlanmışdır.
Bölmənin digər xəbərləri
