FIFA-nın islahat komitəsi yenidən toplanır
Bakı, 13 oktyabr, AZƏRTAC
FIFA-nın islahat komitəsi üçüncü dəfə toplanacaq.
AZƏRTAC FIFA-nın saytına istinadla xəbər verir ki, toplantının noyabrda keçirilməsi nəzərdə tutulur. Bundan əvvəl - oktyabrın 16-18-də isə İsveçrənin paytaxtı Berndə komitənin ikinci iclası keçiriləcək.
Toplantıların əsas müzakirə mövzusu qurumda daxili islahatların aparılması üçün xüsusi əməliyyat qrupunun yaradılmasıdır. Növbədənkənar toplantıların keçirilməsi carı ilin mayında İsveçrədə korrupsiya hallarına yol verməkdə təqsirləndirilərək həbs olunan yüksək vəzifəli FIFA məmurları ilə əlaqədardır. Həmin vaxt İsveçrə prokurorluğu qurumun prezidenti Yozef Blatterə qarşı cinayət işi açmışdı. Bundan sonra Y.Blatter tutduğu vəzifədən 90 gün ərzində kənarlaşdırılıb. Həmçinin UEFA prezidenti Mişel Platini və baş katib Jerom Valke də eyni müddətdə vəzifədən uzaqlaşdırılıb.
Bölmənin digər xəbərləri
